【明星教頭】大聖劈掛門第二代傳人陳秀中加國病逝 黃秋生懷念恩師

更新時間 (HKT): 2020.02.09 17:43

國術界有明星教頭美譽的「大聖劈掛門」第二代傳人陳秀中,於加拿大時間2月7日早上11時(香港時間2月6日晚上7時)於列治文醫院病逝,享年86歲。陳秀中桃李滿門,一生培育出不少搏擊冠軍及武打紅星,包括黃秋生、陳觀泰、冼灝英、高雄、白彪、錢嘉樂、錢小豪等等。

《蘋果》聯絡冼灝英,但未聯絡得上,而黃秋生就透過短訊回應:「好多回憶,又走一個長輩,希望師兄弟們繼續發揚劈掛,師父係個好幽默又童真嘅人。懷念。」

黃澤鋒與太太陳麗麗是冼灝英徒弟,亦即陳秀中徒孫。黃澤鋒回應說:「陳秀中師傅係我同太太師公,我哋出自大聖劈掛門,佢徒弟冼灝英教出嚟,之前都知道佢唔係太樂觀,師公都好人嘅,基本上係一個好funny嘅人,都可惜嘅,人始終會係咁,佢一路舒服嘅,師公都好叻嘅,人始終要走,舒服咪得囉。我哋門派好大,喺佢統領之下,我哋都個個都幾叻囉,佢人好樂觀,同埋好玩得嘅。佢加拿大返嚟,我一年見一、兩次,有時兩年見一次到。」

陳觀泰未入邵氏前已拜陳秀中為師,他同門師兄弟冼灝英收了敖嘉年為徒,但2010年敖嘉年離棄跟隨7年的師父冼灝英,轉投陳觀泰門下繼續學大聖劈掛,有傳敖嘉年一門拜二師而被人出手教訓,陳觀泰為維護敖嘉年,不惜發聲明退出師門,與陳秀中斷絕50年師徒關係。

娛聞樂陪你走遍全球追星,即Like「娛果」FB 專頁!
BannerBanner