【轉個靠山】農夫擦阿姐鞋想埋堆:Do姐一早丟底我哋走咗去

更新時間 (HKT): 2020.02.11 18:45

組合農夫今日在將軍澳電視城錄影汪明荃主持的遊戲節目,C君笑言他們多是擔任主持人,很少做嘉賓,希望可以加入節目和「阿姐」汪明荃合作一起做主持:「如果可以畀我哋加入做主持就好喇!」農夫更笑言老早就被「Do姐」鄭裕玲拋棄了:「Do姐一早就丟底我哋走咗去。」陸永更賣口乖大讚汪阿姐:「Do姐沒有Magic,Lisa姐(汪明荃)有一個Lisa Magic,我真係估佢唔到㗎!」

武漢肺炎疫情蔓延全球,市民爭相搶購消毒及清潔用品,陸永笑言今個情人節有明確送禮指標:「以前都係送美白產品,而家可以直接送漂白水喇!」C君都笑說要送衛生用品給另一半。此外,農夫有份主演黃子華自導自演的賀歲片《乜代宗師》,電影成為本港今年賀歲片票房冠軍,農夫自言替子華高興,但對於子華賣樓籌資1800萬作為拍攝資金,有傳票房達不到4千萬便要蝕本,C君坦言子華大概也沒想過可以回本:「佢自己都話,如果可以收番個廁所,或者天花板都好吖嘛!我諗佢應該做到咗。」

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner