【安心戀泥】黃心穎再捲桃色緋聞 網民嘲:走去釣泥鯭

更新時間 (HKT): 2020.02.12 19:45

黃心穎疑搭上組合RubberBand(RB)成員泥鯭,由於泥鯭曾高調公開已向女友求婚,故外界認為黃心穎「重蹈覆轍」搭上人夫,但泥鯭隨後出面護花,聲稱自己「結唔成婚」。

不過網民對於黃心穎再爆緋聞,各有睇法,主要分成兩批,中間派及狂轟派,部份網民睇法獨特,包括提議「陳果應該搵佢拍《三夫》」,又指黃心穎「走去釣泥鯭」,另有網民激動鬧爆「賤女人」,甚至「現代潘金蓮」;另有網民質疑泥鯭的taste,明言「估唔到泥鯭taste咁差」,較溫和的網民表示「估計個男嘅只係做兵啫」。

另有吃花生的網民將黃心穎及泥鯭「撞樣」的蔡一智及林海峰拖落水,他們笑言:「都話係蔡一智同林狗傾忘情森巴是旦UP合作咯」、「可能想約蔡一智,唔得閒先改約黃心穎」。而有網友就貼地地抽水稱「食完老鼠食泥鯭!?政府都話唔好食野味囉!」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner