【第39屆金像獎】主席爾冬陞宣佈延期至5月舉行︰唔會有實體頒獎禮

更新時間 (HKT): 2020.02.12 15:45

金像獎主席爾冬陞(小寶)今日透過Conference call接受傳媒訪問,他強調金像獎會如常舉行,但日期會由原先的4月19日,延期至5月上旬,首次取消現場頒獎禮,考慮改由錄播形式進行,頒發各大獎項。他表示明年是金像獎40周年,不想今年延得太遲,影響明年的工作,所以決定票照投、獎照頒,他解釋:「大家要知道(金像獎)辦公室好少人,要動用義工及朋友幫手,如果今年改至9月10月舉行,會阻到明年頒獎禮籌組,意願係盡早搞咗佢。我諗照原定(4月19日)舉行會有困難,暫時估計5月上旬做咗佢。如果拍攝嘅話,牽涉到後期剪接,底會延遲啲,希望喺5月中之前。」

他透露董事局是經過多輪會議,考慮到疫情及安全,已否決在尖沙嘴文化中心及九龍灣國際展貿中心舉行頒獎禮的方案,以前從未試過,但因疫情關係,他說︰「實體頒獎禮有舞台、現場觀眾同頒獎嘉賓嘅頒獎禮今年唔會舉行,喺上星期決定。就算沙士時都未試過,今次係第一次。」

小寶表示取消實體頒獎禮是艱難決定,但此舉可以減少人群聚集的風險,單是籌備頒獎禮就牽涉到400名工作人員,他笑言就算目前開會,亦都有一點風險:「唔希望因為呢件事感染到呢個病,大家都要理解金像獎唔係一個好有錢嘅會,就算想買口罩,老實講開會嘅口罩都唔齊、買唔到,盡量係能力範圍內考慮做唔做到。」

講到播映形式,金像獎董事局會先同贊助商及ViuTV商量,他說︰「因為疫情冇法掌握,由於牽涉ViuTV同sponsor問題,考慮過錄播。但你哋都睇過個名單,牽涉到海外入圍演員,之前評估咗假如4月中旬到4月下旬舉辦,其實整個籌組過程,連埋搭景牽涉工作人員超過4百人,同埋前期開會都有啲風險喺度,所以經過上個禮拜董事會傾過,首先暫停咗原有頒獎禮方式,要諗宣佈前嘅保密要點做,定係好似電影評論學會咁即場宣佈,都要開會傾,需要少少時間先可以公佈,形式係點要遲啲至知。」希望未來10日可以有決定。

小寶亦承認要考慮錄影的問題,「如果我哋要錄影,頒之前就要畀個得獎人知道,呢個牽涉好多嘢,而家場地可能都遇到困難。錄影第一個考慮係侯選人意願,同埋減少參與工作人員,唔想太多人聚集。」小寶又指今次疫情浪費了部份籌組時所動用的資金,最後叫停,假如再拖下去,損失會更大。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner