【武漢肺炎】陳健安本月底伊館騷宣佈延期:冇嘢比健康同生命更重要

更新時間 (HKT): 2020.02.12 20:47
(資料圖片)

武漢肺炎疫情持續蔓延,由於其傳染性極高,香港陸續有演唱會宣佈取消或延期,繼劉德華、周杰倫、莫文蔚、達明一派及林一峰等後,原定於本月28日在灣仔伊利伯體育館舉行以「青春之名2020」演唱會的陳健安(On仔),剛剛亦宣佈要延舉行。

On仔在社交網絡中貼出延期公告並表示於這段時間內,自己一直有留意疫情發展,雖然未知到最後是否能順利,雖然已有心理準備要延期,但只要有1%機會,他亦會繼續準備:「直到收到消息一刻,仍然係會唔開心同流咗少少眼水,會喺度諗:『On diet咗3、4個月、健身跑步咗5、60次、背咗歌詞個幾月、練歌、幾時先可以同大家分享成果……』不過好快,我又諗:『有多啲時間準備,一定一定可以再做得好啲。』冇嘢比健康同生命更重要。多謝每位族人嘅支持同關心,希望你哋體諒,有最新消息會盡快通知大家。呢段時間大家專心抗疫,繼續盡做。到時除低口罩,健健康康,見證我嘅第一次。LOVE」而網民看到On仔的公告後亦紛紛留言為他打氣。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner