【第39屆金像獎】《犯罪現場》古天樂VS《麥路人》郭富城大熱入圍

更新時間 (HKT): 2020.02.12 19:59
(劇照)

【新增回應】

第39屆金像獎今日公佈提名,在「最佳男主角」入圍名單中,有去年齊齊入圍台灣金馬獎的《金都》朱栢康及《叔‧叔》太保,還有《犯罪現場》的古天樂、《麥路人》的郭富城及《少年的你》的易烊千璽一起角逐今屆影帝。

朱栢康回覆《蘋果》時難掩激動心情,他說:「首先就要感謝上帝,喺我人生裏面為我安排咗好多好多嘅路,成就咗好多嘅嘢,縱然有高低。另外我好想多謝金像獎嘅評委們,或者係投票嘅同業,多謝你哋喜歡Edward呢個角色,同埋喜歡我嘅表現。對於我嚟講,係一個非常非常大嘅surprise嚟,因為以我短短喺呢個電影業嘅時間。」

朱栢康亦謙虛地說:「其實可以同咁多前輩、神枱級嘅前輩可以躋身呢個提名名單入面,其實真係非常非常之榮幸,所以提名對於我嚟講,真係當攞咗獎㗎喇!其實呢句說話好多時候都會聽到,我以前都唔會明,會覺得『吓?提名梗係攞埋就最好啦!』哎,當你人生行到嚟呢一步嘅時候、當大個啲識得感恩嘅時候,其實手頭上有嘅嘢就已經係最好㗎喇,再趁呢個機會多謝成就咗我嘅人啦,我屋企人、我朋友、我經理人、我喺演藝學院裏面嘅老師,多謝。」而他更不忘感謝《金都》台前幕後及拍檔鄧麗欣(Stephy),朱栢康感激大家對他的信任及提攜。

至於太保,早前已憑《叔‧叔》在第26屆香港電影評論學會大獎中獲頒最佳男演員獎,對於今次入圍,他表示:「電影人生有低潮有高潮,人生也是一樣,平安最重要,香港有很多我關心的人、事,以及好多好朋友,希望香港平安!」

另外,郭富城對有份角逐金像獎影帝表示:「好開心知道《麥路人》有10項提名,對劇組來説一定係好大的鼓舞。大家用心拍了一部關心社會議題的電影,係好唔容易,今次得到10個提名,證明大家所付出的努力係值得。不過,我同劇組會以平常心面對,而當下最希望世界早日平安。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner