【安心戀泥】黃心穎與泥鯭低調做fd 社交網僅得1張大合照

更新時間 (HKT): 2020.02.12 18:18

黃心穎和樂隊RubberBand鼓手泥鯭大纜扯唔埋,從未聽過兩人是好友關係,兩個家住九龍區的人,卻山長水遠到香港仔買寵物用品,有指這間寵物店平日多是外國人光顧,由於地點偏遠,周六、日才較多人流,所以揀選周二出現的心穎和泥鯭,這天可以安心濕平。

據讀者聽到兩人的對話,泥鯭是陪心穎買寵物用品,疑心穎新養了新狗隻,昨日心穎就在IG自揭謎底,貼了三隻唐狗仔相,留言:「So “Love” just walked into my life. 記得第一次去暫託家庭探佢哋三胞胎嗰時,一打開門見到三隻嘢跳跳紮嗰個樣,好難唔即時俾佢哋嘅歡樂感染到。」原來心穎新養了3隻唐狗仔,難怪要買一大堆用品,泥鯭要出動幫她搬箱了。

心穎和泥鯭的「朋友」關係好低調,在心穎的IG中,記者只搵到一張兩人於2016年的大合照,心穎留言:「即興九唔搭八組合,想聽嗎?成員包括:泥鯭 Rubberband,On仔 C AllStar,小胡 Yellow,心穎,King C AllStar #一齊jam歌好好玩。」泥鯭在相中只佔據後面靠邊位置,不知兩人幾時變得friend過打band呢!

心穎跟歌手似乎特別啱key,前年爆出「安心偷食」時,有心穎鄰居爆料,指曾見到有band友到訪心穎香閨,當時嫌疑band友是樂隊Mr.的結他手MJ,而MJ回覆《蘋果》時否認:「報道出咗,收到好多朋友嘅關心,真係一笑置之,雖然好多年前已經識佢,但係我從來冇同佢單獨見過面,亦唔知佢住邊。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner