【早日康復】吳若希爆「胡潺鈞」屋企附近有確診個案 14日先再見面

更新時間 (HKT): 2020.02.12 18:24
攝影:馬建華、微博圖片

最近翻唱梅艷芳作品《似水流年》的吳若希(Jinny),今日到商台宣傳此歌,她指小時候從鐘錶廣告裏第一次聽到這首歌,被感動到喊,之後便一直聽着這首歌,早前收到公司通知要翻唱這首歌時,她說:「內心好亢奮,但理性上好掙扎,因為擔心被人作比較,不過最後我都係放低心魔,因為人比人比死人。」事前特意上網尋找梅姐當年受訪時分享怎樣唱的心得作參考,她說:「監製叫我唔使參考,用自己嘅理解去唱,第一次錄音,監製唔收貨,因為唱得太激昂,佢要求要帶出細膩感情,再錄一次就收貨。」

對於好友胡鴻鈞取消今日在商台的訪問,Jinny表示只知對方身體不適,她說:「佢無離境、無打麻雀、無打邊爐,最近都係安逸家中,不過知佢屋企附近有確診個案,佢今日好乖,唔舒服就留喺屋企,為人為己。」可會自行跟胡鴻鈞隔離14日先再見面,她笑稱有指最長潛伏期有50幾日,擔心自己不找對方,對方也會找上門,她說:「認真講,希望佢快啲康復,佢平時都係『胡潺鈞』,唔養好身體,係溝唔到女。」

採訪、攝影:馬建華

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner