【警務處處長投訴《頭條新聞》】王宗堯嘲諷無幽默感 網上睇到警方有幾「勇」

更新時間 (HKT): 2020.02.16 15:29
(《頭條新聞》截圖)

在前晚播出的《頭條新聞》,主持曾志豪和吳志森繼續以戲劇形式諷刺時弊,王喜亦獲邀客串演出,扮克警主持《驚方訊息》環節,提及克警的裝備比醫護人員還要充足,昨日警務處處長(郭嘉銓代行)昨日致信廣播處長梁家榮,指港台播出的《頭條節目》電視節目內,一個名為「驚方訊息」的環節表示極度遺憾。

除了王喜,王宗堯也有客串演出扮演「怪醫秦博士」,他扮演一個醫護人員,被羅啟新打扮做「葉劉姐姐」指摘他罷工,二人「彈出彈入」地寸爆「CSI口罩的去向」、「老細小明被燉冬菇」等等...

對於警務處處長(郭嘉銓代行)致信廣播處長梁家榮,王宗堯回覆《蘋果》:「第一次睇到呢啲所謂嘅回應,我仲諗係咪警務處處長換咗人,原來係代筆,好遺憾,到底係處長比較遺憾啲,定係郭生比較遺憾啲呢?我一直以為佢哋會自己寫,原來佢哋唔會寫,可能佢哋唔識字,講笑啫。佢哋好勇吖,相信全香港市民都睇到,對於抗疫方便佢哋作出好大嘅貢獻。佢哋着齊全副嘅裝備去到現場,去打卡、企到半隻郵輪咁遠,基本上呢啲都係大家都睇到嘅嘢,揸警車去送貨,呢啲都唔係我哋作出嚟,係喺網上睇到嘅片段嚟,其實都冇咩好遺憾。」王宗堯更指警方:「一啲幽默感都無,哈哈哈哈,好onX。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner