【阿媽擔心】陸浩明錯指「香港是沙士源頭」一事 聲淚俱下道歉

更新時間 (HKT): 2020.02.17 23:47

【新增內容】

陸浩明(6號)在2月11日的節目《後生仔傾吓偈》中,談及2003年沙士疫情時,他竟然當眾說︰「因為嗰時香港係病毒源頭。」此話一出,雖然拍檔馮盈盈即時糾正,但他即被網民鬧爆,事後他亦在社交網拍片講sorry。

今日6號在電視城為此事公開道歉,並聲淚俱下表示︰「我想借呢個機會,向各位朋友同觀眾,就我在節目講錯『香港係沙士病毒源頭』致歉,當日我做節目係有疏忽講錯資訊,又糾正得唔清晰,引起大家誤會,無解釋病毒源頭並非香港。我喺節目中想講香港係SARS大型爆發嘅地點,但自己有口誤講錯咗,令大家唔開心,我向大家深深致歉講對唔住。」

被問到心情如何?6號落淚說︰「兩晚都瞓唔到,我媽咪好擔心,我叫佢唔好擔心,我最唔開心,唔係人哋點批評我,而係令屋企人擔心同唔開心。」至於問他有否影響往後的工作,他表示希望不會,更不想影響到廣告客戶,他傳短訊向客戶講不好意思。他更自責在節目中澄清得不夠好,願意接受各方的批評。

到今晚,6號在IG再次就口誤事件致歉,他說:「我喺 #後生仔傾下計 講錯『香港係SARS病毒的源頭』要再次同各位講對唔住!(中略)另外要同03年SARS以及現時抗疫嘅醫護人員講句多謝,佢哋嘅貢獻及犧牲,係為咗保護我哋香港市民,我亦希望香港及世界各地嘅疫情盡快完結!希望大家可以體諒今次嘅失誤。」而他的模特兒女友陳詩欣(Ayan)就在post中以emoji為男友打氣,6號亦有回覆「Thanks my love」。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner