【問過余香凝未?】趙慧珊讚余潔滢可愛:我當咗佢係我妹

更新時間 (HKT): 2020.02.17 18:15

女子組合Super Girls隊長趙慧珊(Aka)早前與同門師妹余潔滢(Zoe)合作拍攝微電影《最好的禮物》,今日正式在網絡上推出,Aka談到拍攝點滴,坦言當時的心情長期處於低落和波動,戲中受到妹妹多次傷害,充滿挑戰性︰「故事係講妹妹出於妒忌,佢多次傷害我同欺負我,令我好痛心。」

雖然戲中受到飾演其妹的Zoe欺負,不過她覺得Zoe真人非常可愛:「拍完戲我哋熟絡咗好多,佢真係好得意,我當咗佢係我妹妹咁。我同我妹感情好好,試過發夢佢要離開我,搞到我喊到收唔到聲,起身仲喊緊,我打畀我妹,話發夢佢要離開我,佢反應係 『you are so sweet』 。」

此外,Zoe真正胞姊是余香凝,問到姊妹可曾鬧不和?Zoe表示︰「大家實有鬧交,但好快冇事,因為佢始終為我好,唔會做傷害我嘅事,所以唔會似微電影入面咁。而且大家由細到大一齊生活,有一排唔見都會掛住對方,會覺得冇人同我傾心事,我應該做唔到戲入面咁狠心。」她又表示和Aka在樹林拍攝外景後即病倒︰「嗰日凌晨好凍,又要着高踭鞋,山路又唔平,拍完病咗傷風,連導演都病埋。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner