【最怕豬隊友】朱經緯灰色衫袖證據確鑿 網民恥笑拍片攬炒

更新時間 (HKT): 2020.02.17 19:45

警隊與晨曦明星足球隊聯歡短片在網上瘋傳,震驚全港,片中清楚聽到林國斌和方中信都先後叫大家:「唔好拍片!」但結果卻有人唔生性,不但拍片更外流,究竟這條絕密短片為何會流出?大家被邊位豬隊友出賣呢?有網民就抽絲剝繭,發現「更生人士」朱經緯最大嫌疑。

據網民細心拆解,發現身穿灰衣的朱經緯,跟坐頭圍手指指、疑似拍片者的灰色衫袖一模一樣,連登仔開po嘲諷:「原來鄧PK飯局堆片係朱X緯手多多腥(send)錯!」連填詞人梁栢堅都在Facebook貼「證據」相並留言:「邊個可以坐明星頭圍枱拍片,位置仲要正中,然後冇人敢制止佢,#算啦賴落鄧光榮度算 #唔好再估喇下 #龍五老婆機會很大」、「應該有咁上下地位,叫咗唔好拍片繼續拍」。

網民紛紛加入做「柯南」剝花生:「睇手袖好似係啊更生人士」、「朱sir要攬炒」、「更生人士嘅努力,加上佢灰撞螢光tag嘅手袖,就好似漆黑中既螢火蟲一樣咁奪目」、「唔好cap圖,保護手足隻手」、「我覺得係佢囉,人哋話唔好影,佢就……我唔知我唔理我唔聽我冇睇到。」

昨晚警察和表忠藝人的聯歡飯局,出席者包括:警務處處長鄧炳強、2014年佔中用警棍襲擊途人的退休警司朱經緯、成龍、曾志偉、譚詠麟等,而身為警務處處長的鄧PK,應該是十分專業才配坐這個位,不過,昨晚他卻在台上開咪自爆:「我做警察係因為成龍大哥、方中信,全部都係學你哋,我唔知點做警察,睇吓睇吓就識做。」成為網民恥笑金句。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner