【搵細藝】梁漢文拍片教DIY防疫產品:公廁梘液唔一定衛生

更新時間 (HKT): 2020.02.19 16:40
(IG圖片)

武漢肺炎疫情持續,影視業大受影響,演唱會、影視製作及商演活動等一概停頓,好多藝人無工開,太得閒總要搵細藝過日辰,好似梁漢文(Edmond)近排就頻頻拍片放上社交平台,教人自製防疫產品。

繼製作「消毒濕紙巾」、「自製口罩袋、按提款機神器」、「搭lift原子筆」後,Edmond再拍片教人「自製梘液紙」,他並留言:「疫症期,咩都要份外小心,但人始終係要返工、外出、生活,最近要不停洗手,我發覺外出公廁提供的梘液其實唔係一定衛生,所以今日介紹大家整:自製梘液洗手紙,咁日日不停喺出面洗手都可以好安心。」

Edmond還非常用心配上字幕,還不忘提醒網民:「#覺得有用大家一齊試 #記得洗手唱吓歌 #洗夠30秒 #你睇得開心我做得開心 #仲有咩好方法 #大家不防提供畀我 #等我再拍上來同更多朋友分享」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner