【政府蒙羞】「飯局KOL」陳志雲轟鄧炳強冇腦:行為絕對令市民失望

更新時間 (HKT): 2020.02.19 15:59

警務處處長鄧炳強日前率領一班下屬包括謝振中、江永祥、郭嘉銓,及因毆打途人被定罪的前警司朱經緯等,跟明星足球隊飯聚的相片和影片流出,同場有譚詠麟、曾志偉、成龍、張智霖、歐陽震華和方中信等,飯局中眾人的言論和行為引起公眾強烈迴響。

而就事件陳志雲今早在商台《在晴朗的一天出發》中亦有講到,並對此感到憂慮,他說:「一個咁高級嘅公務員、紀律部隊阿頭竟然咁冇common sense,喺政府大力宣傳減少社交聚會嘅時候做呢啲嘢,立咗好壞嘅榜樣,對佢嘅職位絕對唔相稱。」

影片中見到有飯局人士在場內吸煙,陳志雲繼炮轟:「大庭廣眾喺度食煙簡直係違法,結論係第一佢(鄧炳強)唔記得帶自己個腦出街,第二更有可能嘅就係呢個警務處長係冇腦嘅,唔係點會做出呢個行為,一個咁嘅社交聚會,咁嘅飯局會冇人拍低或者錄低?如果你嘅警覺意識係咁嘅話,點可以期望香港警隊係專業。」

陳志雲表示正常情況下市民普遍對高級公務員或警務處長有一定期望:「但呢啲行為絕對令市民失望,直情係令政府蒙羞。」提到鄧炳強席間稱做警察是向成龍等人學習,陳志雲直言:「真係好學唔學,警察最忌係咩?英雄主義。成龍嘅電影係最標榜英雄主義。」主持拍檔提到同場還有人稱「光頭警長」劉澤基,陳志雲毫不留情地嘲諷說:「警咩長啫,好低級咋嘛,嗰個咪英雄主義囉,人哋去睇閱兵咪英雄主義囉。」

同時陳志雲覺得就事件想知道一眾建制派議員的評論:「之前有老師喺街頭上用咗幾句粗言穢語,大家覺得呢樣唔得,唔可以接受,因為佢係老師,冇私人身份、冇私人時間。咁警務處長呢?佢有冇呢個責任要同大家交代呢?」

撰文:曹家誠

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner