【桃李滿門】星級歌唱老師鮑培莉離世 汪明荃難忘恩師悉心教導

更新時間 (HKT): 2020.02.20 20:20

曾教授汪明荃、梁漢文、曾慶瑜、吳香倫唱歌的著名歌唱老師鮑培莉,本月17日在香港病逝,下周二(25日)在九龍世界殯儀館2樓永恩堂設靈。據悉鮑培莉早年不幸患上癌症,過去幾年一直努力抗癌,可惜本周一(17日)不敵病魔離世。

汪明荃今日從記者口中獲悉鮑培莉老師死訊時相當愕然,她說:「真係好難過,佢係我第一個歌唱老師,影響我好深,當年我喺麗的讀訓練班,佢教我哋唱歌,奚秀蘭都係佢學生。佢教過好多人,當年自己住北角,搭船過海再坐巴士去佢度學唱歌。我記得佢係參加歌唱比賽,贏咗之後獲得唱邵氏電影嘅幕後代唱,佢把聲好靚,係唱民族歌同藝術歌,當年讀訓練班佢最錫我同奚秀蘭兩個,聽到佢離開當然難過好可惜,之前我同中樂團開演唱會,佢都有嚟捧場,仲讚我唱得好㖭。自己跟過三位歌唱老師,鮑培莉、秦燕同許佩老師,三個都走咗,希望鮑老師一路好走。」

梁漢文亦曾跟鮑培莉學唱歌,難過表示:「剛剛收消息,好突然好難過,上月仲有跟佢聯絡約食飯見面。鮑老師係我第一個唱歌老師,當年16歲就識佢再跟佢學唱歌,因為佢先參加新秀,當年跟佢學咗一年,鮑老師問我有冇興趣試吓參加新秀,因為佢移民,可以走前做我嘅提名人,亦可以試吓自己實力,係佢鼓勵我,之後先入咗行。後來鮑老師去咗美國,有一段好長時間冇見,直至我2008年結婚,佢返嚟出席婚宴。我視佢當為一個好大恩師,佢同我媽咪都熟落,希望佢家人節哀順變。」

鮑培莉60年代開始唱歌生涯,早年主要唱民族及藝術歌曲的她,其後加盟EMI唱片公司,推出唱片,著名歌曲包括《送我一枝玫瑰花》、《情人》和《阿蘭娜》等等,鮑培莉當年更為不少電影唱主題曲和插曲,如《怒海情仇》、《野姑娘》、《黛綠年華》、《玉女親情》等等,其中大部份為邵氏電影。

鮑培莉最為人認識,是她效力EMI後期,轉為開班授徒,60年代開始教麗的藝員訓練班學員唱歌,一生桃李滿門。而她60年代至80年代更是電視台常客,經常為電視歌唱比賽擔任評判工作。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner