【《大公報》前副老總】陶傑亡父遺願不設靈︰若有來生願再做你兒子

更新時間 (HKT): 2020.02.21 19:10

有「香江才子」之稱的作家陶傑(原名曹捷),其父親曹驥雲因腎衰竭,今日凌晨兩點半在跑馬地養和醫院離世,享年92歲。曹驥雲為《大公報》前副總編輯,陶傑今日接受《蘋果》電話訪問時,強調父親並非共產黨員,他說︰「佢係80年代尾,90年代初退休,大概67、8歲左右。呢個位唔需要入黨,佢冇入過,一定要強調。」他透露自少便受到父親崇優的思想薰陶,自己的兒子亦有遺傳到︰「佢(父親)好勤力學日文,因為佢崇優主義同我一樣,我一部份都係學佢。自細父親已猛叫我跟佢學日文,好遺憾冇學。而家我個仔咪學囉,跟住用日文同爺爺交談,傾咗啲乜嘢又唔講,補償番我囉。」

陶傑謂老父一向身體健康,亦沒有腦退化及心臟病,他說︰「佢成日行山,行得仲多過我,而且思路清晰,上個月同佢啲朋友打Show Hand,想偷(佢)雞都偷唔到。所以我都完全冇心理準備去得咁快。今次係因為佢冇食慾所以送佢入醫院。佢本身腎有少少唔得,今次係因為佢唔食嘢,令到個腎衰敗得更快。老父遺願係冇儀式、低調,私人一家人送佢去火葬,好似黃霑咁,殯儀館儀式就唔會。無謂麻煩人哋,而家瘟疫時候,而且社會氣氛哀傷。」至於老父的舊部及群組可能會舉行追思會。講到老父經歷中日戰爭、國共內戰及難民,陶傑說︰「佢啲故仔都一匹布咁長,早十年我叫過佢寫(自傳),佢唔寫,第日我寫囉。好多嘢出面聽都未聽過。」

另外,陶傑在Facebook發文悼念亡父,提到父親1950年「手持一隻皮箱由南京上海輾轉渡過羅湖橋來香港,投奔他的姨媽王李象珮女士。而他的姨丈是當年香港紗廠寧波老闆王啟宇......」講到父子間的感情,他表示華人間父子關係很複雜,老父臨終時陶傑在病榻前說:「我和你此生緣淡,唯言罕情怯,若有來生,如你不棄,我願意再做你的兒子。」他聽到了,眼角垂下淚珠。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner