【《大公報》前副老總】陶傑父親曹驥雲今晨仙逝 享年92歲

更新時間 (HKT): 2020.02.21 15:17

著名專欄作家、才子陶傑父親曹驥雲今日凌晨兩點半,在跑馬地養和醫院因腎衰竭離世,享年92歲。

陶傑今日接受《蘋果》訪問表示父親是今個星期初因食慾不振,被送到養和醫院,他說︰「走時我同太太都喺度,啲家人呢兩日都全部喺度見過晒,老人病胃口唔好送佢去醫院,發覺佢腎衰竭,一切安詳。」他表示父親出事前身體情況健康,沒有腦退化、沒有心臟病思路清晰,上個月還跟老友玩啤牌。

陶傑表示父親約在67歲時於《大公報》退休,他說︰「佢嘅職位係唔需要入黨,所以佢唔係(共產)黨員,我崇優多少都係遺傳自爸爸。」他透露老父遺願一切從簡︰「所以冇儀式唔會喺殯儀館舉行,私人聚會形式之後火化,至於爸爸嘅舊部、群組就由佢哋自發安排追思。」

陶傑原名曹捷,祖籍廣西,出身香港左派報業世家,爸爸曹驥雲是《大公報》的前副總編輯,早在1950年,當時22歲的曹驥雲從大陸移居香港後即加入《大公報》,初期任職校對,在他效力的46年間一直晉升到副總編輯,而媽媽常婷婷亦是《大公報》的經濟版編輯。

陶傑後來亦有分享小時候爸爸每年帶他返大陸,讓他好好認識國家,到17歲才離開香港,赴英國升學。同時曹驥雲一家與查良鏞(金庸)是世交,兩人同樣結緣於《大公報》。在2012年《大公報》創報110年的報慶活動中,當時已年過八旬的曹驥雲亦有現身活動,跟來賓分享多年的工作點滴。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner