【武漢肺炎】森美感謝文變戰場 被愛國網民圍攻「點解唔多謝政府」

更新時間 (HKT): 2020.02.22 13:24

森美早前透露父母被困在郵輪鑽石公主號,幸好兩人的新冠肺炎檢測結果呈陰性,於是可以批坐政府包機回港,經過連日來的擔心,森美今日凌晨終於在社交平台報喜:「父母終於回港接受隔離,安心多點,多謝曾幫手協助的所有朋友,及專業人士,更感激所有關心的親友朋友好友,抗疫中的每一位,繼續努力!」

本來只是簡單的交代一下父母情況,想不到森美竟意外打碎疑似「藍絲」的玻璃心,大量網民湧到森美的社交平台留言,批評森美「唔多謝政府」,包括「誰幫你父母平安回港?點解冇多謝政府?冇良心」、「祖國以德報怨,幫助香港市民,身為中國人我們感到自豪。」、「平時小人得志起勢咁插大陸插香港政府,受咗大陸嘅恩惠同香港政府嘅幫忙就啞咗。」

有網民見森美莫名被大量疑似藍絲攻擊,紛紛加入戰團為森美打氣,「啲垃圾五毛,收皮啦!!咁鍾意中共 返大陸幫手抗疫啦」、「佢係唔啱嘅,唔係武漢肺炎,邊有得坐多十幾日郵輪」、「有納稅,呢啲係政府應該做嘅事,點解要多謝香港政府,多謝你個爛X祖國?多謝你輸出病毒?」、「多X謝武漢個實驗室咗未呀?冇武漢邊有機會畀咁多偉大嘅同胞留言?」

對此,森美今日回覆《蘋果》表示:「多謝關心我嘅人,亦都多謝鞭策我嘅人,令我可以繼續進步。有樣嘢好重要嘅,無論咩諗法咩政見嘅朋友,喺呢段時間上我社交網站睇我嘅,都希望身體健康,咁先可以喺將來日子喺生活當中論政。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner