【零食太多】莊端兒懶運動 宅家避炎食出肚腩

更新時間 (HKT): 2020.02.22 23:10

莊端兒跟楊埕、洛兒等人晚上無懼武漢肺炎在港爆發,仍在尖沙嘴約在一起聚會,搞網上直播分享感情觀,莊端兒驚訝謂:「唔係喎,係同我講分享抗疫心得。我好注意個人衞生,但因為唔夠口罩又買唔到廁紙,所以呢排多數留家,搞到懶惰冇做運動有肚腩,加上近排傾咗鹹蛋魚皮代理生意,忍唔住都食。」

近日莊端兒與翟威廉哥哥合資搞生意,自己覺得翟威廉條件可望發展:「記者朋友提我先諗起,可以近水流台,今晚本身都搵佢開會。佢條件好,但好忙最近又造歌,我都知佢單身。」但她強調開會認真為公事,自己是認真實幹。而近日疫情影響,很多有關娛樂生意也被取消,幸好去年已計劃了開舖一事。

楊埕和洛兒自言單身,個性較被動,並不會主動追求異性,正等待真愛。當有家族打邊爐一家數口確、警察參加退休晚宴後出事,她們選擇這個時勢勇敢搞聚會,還表示由粉絲決定眾人是否要戴口罩上鏡,楊埕稱衞生食小菜兼用公筷,她說:「邊爐因為一齊食,反而危險啲。」矛盾的是食小菜同樣是圍在一起,她再說:「呢兩個月冇去其他地方,做足防疫,去郊外地方多,人多地方冇乜去。」洛兒則講「信」字,覺得大家也衞生。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner