【月初到訪韓國】牛雜妹3個工作因疫情取消 清潔意識較強似有潔癖

更新時間 (HKT): 2020.02.23 18:10
(攝影:陳俊強)

李亦喬(牛雜妹)、唐貝詩、陳蕊蕊、鄧以婷及袁鎮業等今日到深水埗為4月公演的舞台劇《戀上12星座》宣傳,眾人戴住口罩現身,但拍攝大合照時,他們都除下口罩示人。

月初曾到訪韓國的牛雜妹,戴上口罩受訪,她說:「我去咗5日,當時仲好安全,條街都係七成人戴口罩。好彩,我返得嚟早,但係自己有朋友喺韓國住,佢話而家都唔敢出街。」牛雜妹到當地採購酒精消毒棉,消毒用品塞滿整個喼,她說:「知道有長期病患需要用啲酒精棉,所以就去韓國買,當時韓國仲未缺貨,所以買咗4、50盒返嚟,用原價賣返畀啲有需要嘅人。第一次去旅行唔似去旅行,係掃貨,但係掃消毒用品,感覺好奇怪。」

她坦言現時大家的清潔意識較強是好事:「不過個個都好似有潔癖咁,我唔止精神緊張,直頭好似精神分裂咁。只要有人咳或者打噴嚏,就會擔心佢有傳染病,自己有時喉嚨痕都唔敢咳,唔想畀人歧視。」

牛雜妹的工作亦受影響,原定今年會參與電影拍攝,現時亦要延期:「有3個工作都取消咗,不過而家最緊要搞返掂個疫情先,最緊要大家都安全。」她表示爸爸的食店亦大受影響,生意大跌四、五成:「因為個個都少出街,好似我自己咁,都會喺街市買多啲餸,3、4日都唔出街。而家爸爸都同業主傾緊,睇下可唔可以減租,希望業主可以體諒。」

唐貝詩透露因武漢肺炎疫情,取消了一年一度的family trip,她說:「原本想去北海道,因為媽咪好鍾意滑雪,而家取消咗,日日都話『今年冇得去。』」問她可曾有計劃到郵輪旅遊?唐貝詩表示曾坐過郵輪:「今年冇plan過去,但係我之前坐過,啲環境真係唔係咁好,所以都希望快啲解決件事(鑽石公主號事件)。」

舞台劇將於4月公演,唐貝詩直言會擔心能否如期演出:「知道好多活動、演唱會都取消咗,就算照做都唔會有人買飛。但係大家都以呢個騷會達成為目標去綵排,做唔做得成,呢個都係學習機會。」唐貝詩透露劇中冇親密場口,亦不希望會有親密場口:「劇本暫時冇,如果有,導演應該都會改。」同場的鄧以婷,近日不時與朋友做義工,到不同地區派口罩。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner