【暢遊巴黎】溫碧霞法國拍戲父子探班:呢度唔使戴口罩

更新時間 (HKT): 2020.02.23 14:50

溫碧霞(Irene)早前到巴黎拍攝首部法國電影《Happy Night》,前晚(法國時間)已經完成煞科戲,老公Kenny與囝囝Xavier專程飛到巴黎探班送上驚喜,令到孤身在外地拍戲的Irene見到兩父子出現甜入心。Irene一家三口享受幾日家庭樂後,她再繼續留在巴黎出席時裝騷。

Irene難掩興奮說:「Kenny同Xavier特登飛嚟巴黎,我哋啱啱拍緊煞科戲,佢哋出發前兩日至通知我,話飛嚟探班,好開心呀!有小小驚喜喇!時間啱啱好,剛好拍完,有幾日休息,可以一齊玩幾日,因為香港停課,Xavier唔使返學,飛嚟巴黎都好,呢度好舒服,又唔使戴口罩,陽光氣溫同空氣都好好。」

她表示和劇組相處愉快,煞科當日大家都依依不捨:「佢哋教我講法文,學咗好簡單幾句打招呼問好、多謝,呢部戲全部法國演員都係講英文,其中有一位法國演員中文超叻,導演穆斯塔法(Mustafa Ozgun)同部份法國演員都好鍾意中國歷史,覺得中國係一個好特別嘅地方,又好鍾意中國人臉孔。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner