【下集或者有得咀】釗峰奪Sunny多個第一次 讚對方係「樂壇張家輝」

更新時間 (HKT): 2020.02.25 16:20
(攝影:陳慧安)

C AllStar成員梁釗峰和Supper Moment的主音陳仕燊(Sunny)日前推出合唱歌《日光》,今日他們一起到商台做宣傳,釗峰笑受訪時稱今次合作奪取了Sunny多個第一次,他說:「第一次唔係用Supper Moment個名義出歌,Sunny今次自己都玩得好開心。」而Sunny稱聽到歌曲名足已令他毛管戙!

釗峰透露二人分別在多個地點完成創作,其中慈山寺就帶給他們歌名的地方,因為在寺內感到寧靜詳和。Sunny則稱在綠幕前演戲最困難,他說:「要靠想像力完成,好玩又好難,仲有一幕要同釗峰四目交投。」笑問兩人有否接吻衝動?Sunny笑稱:「呢一集冇,下集就唔知啦!」而釗峰就讚Sunny:「佢眼神好有戲,直情係『樂壇張家輝』。」

另外,黎曉陽今日亦到了商台宣傳新歌《阿茲與海默》,他表示歌曲似記憶為題材,他說:「首歌入面有講到海,就係好似我哋香港人對於維港有一個獨特嘅情意結,唔同年紀嘅人望住個海感受都唔一樣。」由於受武漢肺炎疫情影響,原定為新歌安排的宣傳工作亦受影響:「原本打算喺電車上面開音樂會,嚟緊3月底出碟,到時嘅宣傳再諗吓應該點做。」

又透露自己打算5月到美國進修瑜珈,他笑言:「我仲未同公司講,但我已經報咗名畀晒錢仲訂埋機票,希望到時佢哋會畀我去。」 他表示自己跟瑜伽技術出色的林德信分屬同門:「佢係我師兄,有好多嘢我都係跟佢學。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner