【遵從指引】ViuTV藝人Suzuki深圳返港自我隔離14天 繼續keep住觀察

更新時間 (HKT): 2020.02.26 20:00

武漢肺炎疫情持續,確診個案持續每日有所增加,政府在本月初宣佈,所有旅客或香港人從大陸返港後,都要自行隔離14天。ViuTV藝人李建邦(Suzuki)因為從深圳返港,於是他都有遵從守則,在家中自我隔離14日,其間他都有在社交平台更新自己的近況,直到22日「出關」後,他現身ViuTV節目透露近況,在節目上播放了Suzuki離開了深圳灣口岸後,隨即返屋企自我隔離,其間好友小占(英朗健)上門送外賣打氣,還有衛生署職員的電話了解,「出關」後他到了車公廟拜神以及到髮型屋剪頭髮。

今日Suzuki接受《蘋果》訪問,談到目前的情況,他說:「其實隔離完之後,咪正常咁生活,政府同衛生署冇話特別安排人過嚟搵我了解,或者做一個好清晰嘅指引,好似我喺節目咁講,佢哋只係喺第一日同最尾嗰日聯絡過我,不過我又冇乜疑慮,因為我一直睇新聞都有講,佢哋把關都好似唔係太嚴緊,所以都預計咗啲安排同檢查都未必會咁全面。」在隔離其間,他一直都很自律而未有外出,但他坦言心情有點影響:「最初以為好快過,去到第9、10日有種心態係好想出去做吓嘢,不過過多幾日,又有一種唔係好想出去嘅感覺,好似習慣咗呢種生活模式,對出去嗰種期望係少咗。」笑問有否想過偷走?他說:「絕對冇呀,我自己都還可以,未去到要偷走呢個地步。」

Suzuki亦說:「我而家都有keep住觀察,量吓體溫,勤力做家居清潔,尤其係一啲會逗留得比較耐嘅地方,好似房間,都會噴吓啲消毒用品。我仲少咗去啲朋友聚會,可免則免喇。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner