【爆相爆片】鄭伊健蒙嘉慧遊福岡 拍拖踩單車避炎

更新時間 (HKT): 2020.02.27 00:30

今年50有2的鄭伊健,和蒙嘉慧(Yoyo)拍拖7年,7年前在東京拉埋天窗,前後相處14年,夫妻感情依然有增無減,二人更成功跨越「七年之癢」。經常被指是大細路的伊健,嗜好多多,最愛打機、打波、行山、踩單車。現時因應武漢肺炎關係,打亂不少港人的生活節奏,為避「炎」更盡可能留在家中,反觀伊健和老婆日常作息依舊無變,早前便有讀者「爆相爆片」,見到兩公婆現身跑馬地一間雲吞麵舖速食晚餐。

事隔數天,伊健和Yoyo原來已飛到福岡旅行,熱愛運動的他們,更穿上黑色情侶裝在街頭浪漫踩單車,過程被《蘋果》讀者黎小姐目擊。據黎小姐提供的片段所見,伊健和Yoyo在當日下午約2時,在當地的大濠公園附近踩單車。只見二人在十字路口停下,伊健邊撥弄招牌及肩長髮,邊和Yoyo有說有笑傾偈。黎小姐表示:「見到佢哋傾得好開心,Yoyo等伊健戴上手套,先至開車繼續踩,睇得出佢哋好有默契。」

眾所周知,伊健最為人熟知的三段戀情,前兩段剛巧同樣只維持7年,就只有Yoyo可以笑到最後,其中一個致勝秘訣,當然是Yoyo和伊健同樣熱愛運動,但最重要是Yoyo懂得夫妻相處之道,「最緊要令對方過得開心,有咩問題我唔會依賴對方幫我解決,我嘅責任係要令伴侶開心。」有如此體貼老婆,難怪伊健心甘命抵被收服。

不過,日本現時疫情似有蔓延趨勢,日前福岡更失守確診第一宗病例,而片段中,伊健兩公婆同樣沒有戴上口罩,防範意識似乎要再加強點吧!

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner