【《龍珠》抗疫】麥玲玲認輸忍唔住笑 讚李居明有學理又解釋到

更新時間 (HKT): 2020.02.27 21:25

武漢肺炎疫情至今擴散多個國家,人人自危,堪輿學家李居明日前拍片教人如何幫口罩「加持」後,今日又以占卜算卦得出瘟疫有望在4月8日平息。不過最爆的是他曾在電台節目中建議電視台重播《龍珠》集氣抗疫,他指中國民間流傳的虛構人物孫悟空,代表新金,不怕火毒,而《龍珠》的「悟空」一角,其實是參考《西遊記》的,加上玄學上的「龍」和「牛」是用來散熱解火毒,因而提出播《龍珠》助抗疫。

同樣是玄學家的麥玲玲,坦言亦有看過李居明連日來的「抗疫大法」,對於對方呼籲看《龍珠》抗疫,她笑言自己看到都忍不住笑出來。麥玲玲坦言欣賞前輩創意無限,自己亦甘拜下風。她說:「其實我年年都有買前輩本書,每次都睇得好開心,因為佢每次提出論點,都會有學理去back up,好多嘢都解釋到,好似佢講嘅『龍』咁,咁我哋又真係龍的傳人,所以疫情到最後都會冇事嘅。」

麥玲玲指李居明走的是幽默風格和路線,沒有框架,在大家現時情緒失落的時候,看完後心情都好會好好多:「其實前輩諗嘅嘢,我諗十次都諗唔到,因為自己通常都諗傳統方向,而對方就會喺行動上同心理上去點化其他人。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner