【關注香港疫情】劉嘉玲到庇護工場送口罩物資:愛在瘟疫蔓延時

更新時間 (HKT): 2020.02.28 13:21
(IG圖片)

演藝界因武漢肺炎肆虐全球,電影拍攝、音樂演唱會等工作都全面叫停,不少藝人都多了時間家庭樂、做運動外,亦會為市民做慈善,齊心抗疫,如早前古天樂就捐出了130萬口罩給香港市民,亦有不少藝人如方力申、馮盈盈、李施嬅等人自發落區去公屋派口罩等防疫物資給長者、低收入人士。

今日,劉嘉玲在社交平台分享新相,原來她亦相當關注香港疫情,她日前與一班好友去了黃大仙區一庇護工場做慈善探訪,戴上口罩的嘉玲一身便服裝束,戴了米及15,000個口罩等物資去探訪中心的小朋友,在場與不少工友傾偈,玩遊戲及跳舞,她更留言:「愛在瘟疫蔓延時」。嘉玲去探訪的庇護中心是專收留智障者,她表示:「留低嗰啲人係冇屋企人㗎喇,有屋企人呢就返咗去屋企,佢哋都幾艱難吓,平時都要接啲手工藝返嚟加工,因為佢哋係有少少弱智,咁而家咁嘅環境可能更加難搵到嘢做。」提到去慈善機構探訪,她表示很多人需要關懷,尤其是在疫情之下:「我去到其實都有得着嘅,見到佢哋好純真嘅笑容,好簡單,好易滿足,其實我都喺度修行緊,我都學緊嘢。」不少網友都大讚她有善心,紛紛留言:「戴咗口罩都遮蓋唔到你嘅靚」、「人美心善」、「有善心的你最美」等。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner