【搵老竇幫手嘛】王子涵朋友買口罩遇奸商被騙:報警都冇用

更新時間 (HKT): 2020.02.29 15:10

吳若希、王子涵及蔡嘉欣今日到觀塘向長者派發10000個口罩,現場逾千人排隊,吳若希直言在邨口已看到人龍,感到有點錯愕:「好開心可以幫到咁多人,雖然而家呢個時勢比較差,但係見到大家好團結為香港好。」

王子涵感恩朋友會主動提供幫助,她說:「啲朋友主動問我有冇搓手液,仲話用成本價賣畀我,呢啲咪真朋友囉,幸運地我冇遇過奸商,呢排學多咗好多英文字。」她透露有朋友買口罩被騙,坦言報警都冇用。

蔡嘉欣早前到北海道旅行,亦撲不到口罩:「我一月中去都係買得幾個,平時屋企都有買,有兩盒存貨。不過係唔合規格嗰啲,但係如果冇,我都會照戴,有好過冇囉。」

吳若希直言身為母親,更緊張小朋友口罩:「市面好難買到,好多朋友去日本、韓國都買畀啲小童口罩畀我,而家大約有一個月存貨。」她謂平日盡量減少外出,只是每星期去放風箏:「好彩我住得比較偏遠,又近大自然多啲。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner