【食到勁飽!】傅嘉莉楊潮凱搭飛機怕除罩被感染 上機前先狂食

更新時間 (HKT): 2020.02.29 17:45
(攝影:林賓尼)

傅嘉莉、楊潮凱與江嘉敏,今日到秀茂坪邨派口罩,吸引不少街坊輪候。傅嘉莉與楊潮凱早前到柬埔寨拍攝旅遊節目,以愛情故事形式介紹當地景點,楊潮凱笑指兩人連手仔都沒拖過:「不過我眼睛有食到冰淇淋,因為佢有着泳衣,我可以一探佢美好嘅身材,我都有第一次喺電視上露背演出㗎,不過梗係唔夠佢個背咁白滑啦。」

楊潮凱透露在柬埔寨期間,過了7天無罩生活:「雖然當地都有確診個案,但係唔算多,導遊話嗰邊都唔多人戴口罩。」傅嘉莉亦為脫罩生活感開心:「工作嗰陣唔使戴口罩,因為又會整花個妝,而且當地有35度,佢哋話高温,啲菌冇咁勁。」兩人乘飛機回港時,為免在密閉空間容易受感染,上機前狂食充饑,又不敢在機上去廁所。傅嘉莉笑謂:「因為費事喺飛機度食嘢,所以食到勁飽,我全程戴口罩同埋着fans送畀我嘅雨褸。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner