【終年65歲】十一姨洪國華病逝 傳細菌入血致器官衰竭

更新時間 (HKT): 2020.03.02 22:02

【新增內容】新馬師曾(祥哥)的姨仔、前藝人洪國華(十一姨)今日突然病逝,終年65歲,據指十一姨年初一急病,送往伊利沙伯醫院,其後發現是細菌入血,導致敗血症令器官衰竭。兆尊與小艾接受《蘋果》訪問時異口同聲指:「我哋好耐冇聯絡,唔係咁清楚,要了解吓先。」張之珏回覆《蘋果》,他說收到妹妹張寶之通知,十一姨離世消息,又表示:「洪與霍文芳兒子Russel係寶之契仔, Russel叫我契舅父。」他表示十一姨跟他們張家有40年交情。

黃夏蕙向《蘋果》透露:「佢好後生,去年我喺美國時,咁啱佢喺嗰邊登台,我哋有見過面,食過飯,我仲畀咗封利是佢,佢當時精神好好,睇唔出佢有病。我哋仲話約返香港再見面,點知一直忙見唔到。」

黃夏蕙跟祥嫂一場姊妹,當然跟洪國華都有交情:「十一姨細個跟祥嫂一齊住,後來佢哋因家事不和,兩姐妹先疏遠咗,但我偶爾都有聯絡十一姨,佢人都幾好,又鍾意唱嘢,佢離咗婚,有個仔喺外國,都讀完書好大個。」黃夏蕙指洪國華在港獨居,跟其他兄弟姐妹都少聯絡,黃夏蕙指大家相識幾十年:「一年間走咗佢哋兩姐妹,上次我喺美國送唔到祥嫂,我會去要送十一姨最後一程。」

十一姨曾在麗的電視經典劇集《鱷魚淚》演出。當年祥嫂與子女不和,十一姨被指偏幫四名姨甥,與祥嫂反面,去年7月祥嫂離世,十一姨也有出席祥嫂喪禮。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner