【室內工作為主】李彩華老公北京公幹 10日後回港自我隔離14日

更新時間 (HKT): 2020.03.02 22:21

武漢肺炎於日本累計確診840宗,至今累計12人死亡,北海道確診總數近80人,為日本全國最多,李彩華(Rain)於上月18號,聯同友人去到北海道滑雪,原本計劃28號返港,但因為機位緊張而延至今晚7時許才返抵香港。

與結婚一年、在大陸經營鋼鐵生意,坐擁10億身家的老公Eric分開半個月,Rain指老公身在北京公幹,相方以電話互相慰問提醒,老公在北京工作都是留在室內,相對安全,反而老公非常擔心身在北海道的Rain,Rain說:「18號到咗之後,先至收到好多消息,好多朋友短訊問候,喺當地滑雪感覺係安全。之後愈來愈緊張,但疫情冇咁誇張。老公初頭都擔心,但見我健康,知我冇事就安心。」

謝霆鋒、陳奕迅等,日前亦被發現到北海道滑雪,Rain表示,有遇到鄭希怡、劉浩龍及彭敬慈,對於有否遇見霆鋒,她說:「佢哋應該都係一齊玩。」Rain表示,在行程期間不太擔心,只是想多了解出現疫情的地點,她說:「全部人都好衛生,噴晒消毒嘢,口罩都戴幾個,不過當地就買唔到口罩。」

Rain今日踏足當地機場回港,她說:「去到機場冇乜人,搭飛機都唔驚,自己着晒雨褸,戴咗帽同口罩,張櫈都鋪咗床墊,冇食飛機餐,因為本身班機冇。」Rain表示回港後會自我隔離,對於會否與老公保持距離,她說:「佢10日後先至返香港,佢喺北京外出工作唔多,而且外面唔多人,佢返嚟亦應該要自我隔離14日,我唔擔心佢,反而佢擔心我多啲。」原定2月有不少工作要出席,但因為今次疫情而要延遲,Rain說:「工作收晒錢,全部都要押後,希望大家同心合力抗疫情,大家平安冇事就好。」

採訪:張明、攝影:林賓尼

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner