【珍寶舫停業】杜汶澤童年靠經理舅父首嚐龍蝦 黃秋生難忘大條蒸魚

更新時間 (HKT): 2020.03.02 16:25
(資料圖片)

逾40年歷史的香港仔珍寶海鮮舫(珍寶王國)今日傳出停業,周日(3月1日)晚做完最後一晚後正式停業,碼頭燈箱貼出周一休息告示。據悉,珍寶海鮮舫於周日下午公佈解僱所有員工,員工須於3月3日返回餐廳執拾物品。幫襯珍寶海鮮舫以遊客居多,近日武漢肺炎肆虐令訪港遊客大減,珍寶王國表示3月3日(周二)暫停營業,直至另行通知。

珍寶海鮮舫的食物款式保留傳統味道,午巿全盛時爆滿,蝦餃、腸粉、燒賣、咖哩蒸土魷和沙律明蝦角都不錯,也有懷舊點心如桂花糖蛋散、鴛鴦芝麻奶黃煎堆,點心價錢偏貴。網民寫食評指咖哩蒸土魷,咖哩香而土魷很柔軟,味道突出,奶黃煎堆的奶黃餡味道濃郁,紫菜墨魚餅的紫菜雖少,但墨魚餅打得剛好,能咬到墨魚粒。

晚巿的小菜首推海鮮類,椒鹽富貴蝦、炸釀蟹蓋和紅米海鮮炒飯都是招牌菜,顧名思議椒鹽富貴蝦,用新鮮瀨尿巨蝦炮製,啖啖肉,蝦肉爽口彈牙,每隻賣$400元,絕不便宜,炸釀蟹蓋也很足料,紅米海鮮炒飯的飯粒炒得乾身分明充滿飯香。

不少名人藝人都幫襯過珍寶海鮮舫,杜汶澤今日回覆《蘋果》時說:「我細個家境清貧,舅父喺嗰度做經理,細個成日去,去親唔使畀錢,我第一次食龍蝦都係喺珍寶。舅父最初係做樓面,有次佢執到滙豐銀行行長跌嘅銀包,佢衝出交回,對方寫咗封信加許。聽到呢啲古仔,係一代人回憶。我都好耐冇去,對上係好多年前,同梁洛施同佢媽咪去,梁洛施嗰時都未做人媽咪。」影帝黃秋生同樣表示去珍寶是兒時回憶:「細個去過飲,最有印象係食蒸魚,好大條,之後都冇去食。十幾年前去拍過戲,好似係《無間道II》。地方非常有代表性,食物真係冇所謂。」秋生對珍寶海鮮舫停業感可惜,他續說:「其實可以分租出去,好似街市啲排檔咁做,仲有特色,唔做即係香港仔冇咗香港仔。裝修好唐人街,冇咗佢,嗰邊啲氣場完咗,大鑊了。」

童年住香港仔的陳庭欣也緬懷珍寶海鮮舫,她在IG貼相後留言:「珍寶海鮮舫,一個有好多回憶嘅地方。細個住得好近,行10分鐘就去到坐船去珍寶嘅地方,所以成日去飲茶,就算唔飲茶都會去遊下『船河』,黃竹坑—>珍寶—>香港仔,小朋友嗰陣真係好鍾意坐船㗎,大個咗,每逢有外國朋友嚟香港玩,我都必定帶佢哋去。佢哋好鍾意,特別係坐下嗰張龍椅,周圍影相。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner