【名人飯堂】上海總會沙士期間斥資三千萬擴充 普通會員入會費五萬

更新時間 (HKT): 2020.03.03 16:47
(上海總會官網圖片)

上海總會一向是吃老牌上海菜的勝地,不少城中富豪也是該會會員,而前特首董建華、梁振英更是榮譽贊助人。唐英年、沈祖堯、梁乃鵬也是名譽會長之一。會址原本位於中環雲咸街南華大廈三樓,在沙士期間,作價三千萬元購入會址樓下兩層樓擴充會所。

上海總會會所只供會員享用,服務價錢比市價平兩至三成,要成為會員並非難事,同時亦不一定要是上海人才可申請入會,只要申請人有正當職業,繳交入會費後,並且有一名理事長作推薦人,便可申請入會。普通會員入會費為五萬港元,而永久會員則需要七萬。

《蘋果》聯絡了曾在上海總會幫襯的名人虞茱迪(Judy),她本身是上海人,她擁有蘇浙會、寧波會的會員,她亦幫襯過上海總會,她表示:「我哋同朋友加入不同嘅會,所以我已有兩個會,就冇加入,我間中會跟朋友去上海總會食飯,據知有會員推薦便可入會,門檻不太高,只不過我有兩個會就冇加入,佢哋菜式好好,我鍾意吃佢哋清炒蝦仁、火腿燉肘子、炒甜蛋。」問到張寶華在FB提到被上海總會取消訂枱,未知是否因她早前曾乘搭「武漢疫船」鑽石公主號有關,Judy表示:「我唔會咁諗,呢啲事要小心,希望大家大事化小,正面一點去想,可能件事大家睇法唔同,確診冇事,同人哋避忌一點都可以有唔同睇法,加上佢哋經理、伙計都有一啲比較大年紀,佢哋可能小心啲,可能會驚,會體諒佢哋,平時去佢舖幫襯服務好好,好照顧食客。」

葉澍堃兒子葉瀚華(Ian)本身擁有食肆,亦曾跟朋友去過上海總會食飯,他表示體會雙方的觀點:「兩邊都會明,Sharon作為會員,遇到咁嘅情況會唔高興,而作為餐廳,佢哋都可能會保障會員同員工,兩者搵個平衡點係難,希望各方面了解,希望小風波快點平息。」Ian有經營食肆,他表示食肆會做足防疫措施,如搓手液、消毒紙巾,及規定員工戴口罩,保障食客與員工的安全。

鄧達智近年有做食評人,不時四出覓食,亦因好友港台前台長張敏儀愛在上海總會請客,所以都經常到此處食飯,他大讚上海總會有一種「唔張揚氣派」,所以有不少上一代由上海來港發展的老富商愛幫襯,他本人最喜愛吃該店的盤龍鱔。對於張寶華疑被取消訂座的風波,鄧達智表示:「件事係兩睇,會員被取消訂座當然會不快,而家係困難時期,唔係一個正常時候,兩方面都要體諒,我唔會用歧視來形容,係得唔到最appreiciate待遇,佢係小我,成間餐廳係大我,佢要顧及其他客人,不過希望上海總會會妥善一點解釋,畀客人知喺非常時間有呢個非常決定,唔好令客人難堪,佢哋可以向會員客人提議送外賣上門,送多兩支香檳,唔好令客人有唔開心。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner