【自我審查?】ViuTV節目blur走黑洋紫荊圖案 主持黃秋生:品牌唔出得

更新時間 (HKT): 2020.03.03 23:46

黃秋生和名廚好友張錦祥(Ricky)為ViuTV主持的飲食節目《究竟食咗乜》上周五播映完畢,在最後一集上,秋生與Ricky回顧過去14集的經歷,其間秋生自彈自唱《Stand By Me》,之不過有眼利網民發現,秋生所戴黑色cap帽的圖案被blur了,隱約所見圖案疑似是黑洋紫荊,結果有網民質疑ViuTV自我審查。自反送中運動開始,有網民以香港特別行政區區旗為藍本,二創為黑底白花的洋紫荊旗幟,一方面是象徵抗爭的工具,另一方面亦暗示香港人的基本權利正一步步被侵蝕。

而第七集節目介紹酒莊,秋生亦戴了同一款黑色cap帽,疑似是洋紫荊的圖案亦不見了,連登仔亦有開post,有人留言問:「邊度買到秋生頂帽?」還有人問:「其實點解要blur咗佢?」接着有網民解開疑團:「黑洋紫荊。」

對於被質疑自我審查,《蘋果》向ViuTV了解,發言人表示:「我哋冇回應。」而秋生則回覆:「頂帽係朋友設計嘅牌子,係洋紫荊圖,但因為係品牌,所以唔出得。」再問為何選唱《Stand By Me》這首歌,秋生笑說:「因為我只係識得彈唱呢首歌,係我飲歌。有時又唔使過度敏感嘅,如果係自我審查,咁又認為唱《Stand By Me》有意思,咁點解又照出呢?咁咪好矛盾?英文歌人哋都識唱嘛!」秋生還自爆:「我仲用口琴吹咗《榮光》添,都冇出啦,飲食節目嘛,對住個海吹,好有氣勢,自己過癮。」至於有網民一致希望可以開拍第二輯,秋生只笑說:「下次可能去日本,去日本再吹!」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner