【與祥嫂天國重逢】十一姨喪禮採佛教儀式 好友讚為人爽直有義氣

更新時間 (HKT): 2020.03.03 19:32
資料圖片

慈善名伶鄧永祥(新馬師曾)的姨仔、祥嫂洪金梅的胞妹洪國華(十一姨),昨日與世長辭,終年65歲,祥嫂於去年7月病逝,十一姨昨日亦走了,兩姐妹在天國再遇!

十一姨曾拍攝麗的劇集《鱷魚淚》,當年祥嫂與子女不和,十一姨被指與祥嫂反面,去年祥嫂離世,十一姨出席喪禮泯恩仇。而導演張之珏的胞妹張寶之與十一姨相交逾40年,十一姨兒子的契媽就是張寶之,對於好友離世,張寶之接受《蘋果》電話訪問表示:「噚日下晝離開,佢其實係細菌感染,心臟唔係幾好,入咗醫院都有兩個幾星期,準確日子我唔係好記得。」

由於武漢肺炎肆虐,醫院實施探病限制,張寶之未能見好友最後一面:「我見唔到,但佢個仔見到最後一面,醫院唔畀人入去探病,最後一面都係佢個仔送佢。我最後一次見佢係幾個月前,當時佢都冇嘢,幾精神,只係面色唔係太好,冇諗過佢去到咁嚴重。」

問到兩人相處的難忘事,張寶之說:「我同佢識咗幾十年,佢為人好爽直,好幫人,好有義氣。」至於十一姨跟祥嫂的恩怨情仇,張寶之封嘴:「呢個我唔可以講,人哋嘅家事,唔好意思。」問到十一姨有否心願未了?張寶之說:「冇,佢個仔都好大個,佢走嘅時候都唔辛苦,當時佢都係昏迷,最緊要個仔喺加拿大返嚟見到面,佢個仔出世冇幾耐契我,我會幫手處理喪事,跟佢遺願去做,應該係佛教儀式,暫時未定出殯日子。」

娛聞樂陪你走遍全球追星,即Like「娛果」FB 專頁!
BannerBanner