（攝影：羅慧敏）
林奕匡（Phil）今日在觀塘出席慈善機構活動，他透露自小立志當一個義工，尤其是幫助有關眼疾的人所需要，去年他獲邀為該機構到非洲參加慈善跑及探訪，除了要在高原跑10公里賽，他更能夠近距離觀察砂眼手術的過程，令他大開眼界。
Phil說：「其實我婆婆係盲嘅，佢自小就照顧我，而我有一個同學都係失明嘅，我哋細個仲一齊夾band，佢會用手摸譜，所以我對失明人士並唔陌生。」Phil更難忘當地的每個人，臉上總掛着熱情的笑容，他說：「我從來冇感受過陌生人對我咁熱情。」Phil在非洲逗留一星期，不過因服用預防瘧疾的藥物後，令他有肚屙的反應，他說：「其實都有少少唔慣嘅，因為瘧疾嘅藥，搞到日日都屙，完全冇胃口，呢個旅程瘦咗5磅。其實今次太太都有話想去，因為路程唔簡單，我怕照顧唔到佢，等遲啲再去，佢見我咁都有少少心痛，不過任何辛苦，比你辛苦嘅人多好多。」
Phil又謂參加這次慈善跑能當作訓練，未來若參加馬拉松比賽誓破紀錄，他說：「最近真係跑得好多，因為呢排健身室唔開，我都去戶外跑，一個月會跑10幾次。而家我仲會趁多咗喺屋企，home studio做好多製作，為自己增值。」
採訪、攝影：羅慧敏
《果GYM》隨身播 健身壹App過！
