【公主號乘客】父母隔離期滿等出關 森美:唔夠膽見面

更新時間 (HKT): 2020.03.05 13:09

疫輪「鑽石公主號」的旅客返港後,在火炭接受隔離,近日陸續有人隔離期滿可以離開,惟森美的父母仍等待通知,今日森美接受《蘋果》電話訪問表示:「佢哋仲未收到消息,佢哋唔係第一班,應該下一班走得,佢哋都驗晒,中間驗咗兩次,臨走前再驗一次,總數三次,驗血同上呼吸道都ok,可以畀佢哋走。」

問會否親自接父母返屋企?森美說:「唔會啦,交畀妹妹,應該妹妹去接佢哋。」雖然一家人終於可以團圓,但武漢肺炎疫情仍然肆虐,森美說:「冇諗住慶祝住,等疫情過咗先啦。」對於同是鑽石公主號的乘客張寶華,在上海總會訂枱被cut,投訴遭歧視,問會否擔心同病相憐的父母出關後受歧視?森美表示:「歧視?唔會啦,我諗佢哋身體驗完晒咁多次,比我哋仲安全,反而我哋唔夠膽見佢哋,驚我哋有事傳染番畀佢哋。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner