【一天都光晒】區永權全家熱烈歡迎菲傭歸位 兩子孖『姐姐』雞啄唔斷

更新時間 (HKT): 2020.03.05 14:15
(FB圖片)

武漢肺炎肆虐,今年2月初,警覺性甚高的菲律賓政府即實施封關,不少返鄉菲傭都未能返港開工,區永權的菲傭都未能返港,結果當日由日本滑雪回家的兩夫妻就要夾手夾腳照顧一對停課囝囝,分身乏術。近日菲律賓放寬容許菲傭返港,區永權家中的菲傭昨晚回歸區家,他今日在FB貼圖和留言:「熱烈歡迎『姐姐』歸位,超過一個月沒有姐姐嘅日子終於過去,姐姐由家鄉成功順利返港,而我亦可以完成我『光榮家務』嘅重任啦。正當我以為我比任何人更掛念姐姐,點知兩個仔嘅思念之情,原來比我更甚!由返屋企一刻至今,與姐姐簡直有講不完嘅話題,絕對係雞啄唔斷,佩服佩服!好不容易嘅2月經已過去,希望『姐姐歸位』,係意味住一切回歸正常嘅第一步,一個好開始!繼續努力,繼續加油!」

始終香港疫情仍未受控,每日仍然有新增確診個案,家中有兩子的區永權可會跟菲傭重新安排放假日子,避免菲傭周日會同鄉時有機會交叉感染,區永權今日回覆傳媒時說:「姐姐返港後,我都會畀佢繼續放星期日,我會提點佢盡量唔好去人太多嘅地方,出入必定要戴口罩,回家時第一時間更換衣服同消毒對鞋。」為了安排菲傭回家,區永權都破財:「雖然今次返港過程好多波折,甚至多買咗幾張機票,都唔能夠成功返港,但唔緊要啦,最緊要現在安全到埗就好。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner