【評論學會頒獎禮】太保攞獎返台要隔離 劉俊謙望多用新演員拍本土

更新時間 (HKT): 2020.03.05 19:00
攝影︰陳俊強

第26屆香港電影評論學會頒獎禮,今日在灣仔藝術中心舉行,因為武漢肺炎疫情嚴重,所以今年頒獎禮不設記者採訪,改為facebook live直播。下午接近3時,一班得獎者及頒獎嘉賓先後到場,應對疫情藝術中心要求所有到場人士都要戴口罩及量度體溫。

在台灣參與過《返校》演戲中女老師的蔡思韵,第一趟拍攝港片《幻愛》就贏得評論學會最佳女演員獎。頒獎禮後她在會場外戴口罩接受訪問,為防疫做足措施,思韵表示開心之餘亦很緊張︰「噚晚都有啲緊張,好驚漏咗多謝人,當日收到賽果時已經緊張到瞓唔着。都會問自己係咪做得咁好得到認同啦,係咪盡心去做?覺得自己真係好盡心去做,真係足夠。」被問到下一目標金像獎是否有信心時,她說︰「作為新人入圍已經好好,仲同咁多前輩一齊入圍更加係一種榮譽。」至於會否跟男朋友劉俊謙慶祝時,她沒有正面回答,只透露會先跟媽咪慶祝,剛剛在台上思韵有特別多謝媽咪︰「噚晚有提佢3點睇fb直播,希望佢可以睇到我台上直接多謝佢。」

最佳男演員《叔.叔》的太保之前剛出席完柏林影展,昨日又從台灣來港,他透露入境沒有問題,今趟因為疫情問題所以太太沒有同行,他說︰「今次攞完獎,返台灣要自行家居隔離14日。台灣防疫做得好,所以令市民好安心,台灣人人戴口罩。」他透露會同一班台前幕後演員食飯慶祝。對於贏金像獎影帝信心,太保說︰「已經得到評論學會肯定,到時金像獎評審再畀認同,當然開心,一切隨緣,唔會想太多。」

同獲最佳男演員獎的劉俊謙話跟女友蔡思韵一齊攞獎當然開心,之前已經食飯慶祝過,二人都會想是否做得很好可以贏獎。他被問到台上叫年輕人「毋忘初心」,是否想在作品上為現況發聲,他解釋說︰「都好depends創作同劇本,自己31歲,時下年輕人10幾歲,近一年作品好似《叔.叔》、《幻愛》同《金都》都係小本電影、本土情懷,我會諗係咪下下都要重金,可以考慮多啲用新演員,同拍多啲本土電影。」

另外,最佳導演獎得主曾國祥表示好開心可以得到香港電影人肯定,他透露明天會跟工作人員食飯慶祝︰「一套電影係team work,不過唔會打邊爐減少傳播風險,之前都好擔心(評論學會頒獎禮)舉行唔到,台上冇多謝太太,呢啲返屋企先啦,咁肉麻。呢排爹哋忙冇見佢,不過金像獎獲提名,佢都係第一個短訊恭喜我,有入圍已經好開心,冇諗咁多,都係平常心。」

娛聞樂陪你走遍全球追星,即Like「娛果」FB 專頁!
BannerBanner