【垃圾站派口罩 】吳日言斥政府不可理喻禁工友用私伙:自由都冇?

更新時間 (HKT): 2020.03.05 14:22

吳日言(Yan)最近頻頻做義工,四出派口罩及防疫物資到基層家庭,並了解大家遇上的問題。昨晚她在義工幫忙下,與老公一齊去深水埗一帶派發口罩,而今次受惠人士主要為前線清潔工。

清潔工人職工會早前透露,工友反映指食環署規定上班時必須佩戴CSi口罩,如果戴「私伙口罩」有機會令清潔公司受罰,前線工友感到好大壓力,事關每名工友每日只可在簽到後領一個口罩,垃圾車司機、滅蟲等工友更不獲發口罩,質疑政府「係咪純粹要面」,Yan接受《蘋果》訪問亦批評政府說:「唔畀用其他人送嘅口罩,係非常不可理喻,呢個自由都冇?」

Yan續謂:「又唔係有足夠嘅數量畀人,每日得一個根本唔夠,其實係咪怕人哋用捐贈者送嘅口罩,如果不幸『中招』會懶政府冇畀?定有咩陰謀論?所以都唔會理,反正工友都有私人時間,幫得一個得一個,噚日送口罩畀工人,佢哋個個都好開心,雖然數量唔算好多,但就好似收到大利是咁。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner