【逼爆身材】47歲韓美魔女晒泳裝 嚇窒奶奶同阿媽

更新時間 (HKT): 2020.03.05 14:15
Mina性感泳衣嚇窒奶奶。

現年47歲的韓國美魔女歌手Mina,前年跟30歲的老公Phillip結婚,兩人婚後不時晒恩愛,更一齊出演綜藝節目《Modern Family》。

《Modern Family》明日將會播出新的一集,在新一集中Mina和Phillip會帶自己的母親去浸溫泉。劇組今日公開最新預告照,當中可見Mina以睡袍出場,之後很快就展示內裏的性感泳衣,大晒豐滿身材。平日老公Phillip見慣老婆身材,所以沒有特別反應,反而Mina一除睡袍即時嚇窒奶奶同阿媽,兩人都即時表現得十分驚訝的樣子。Mina的母親更打了女兒的後背,並說:「在奶奶面前,你點解咁着?」Mina即急急解釋:「因為奶奶喺度,所以先唔着三點式,呢件已經係我啲泳衣中最唔性感了。」身旁的老公Phillip亦即時幫口,大讚:「好靚呀,點樣呀。」

據知兩人早前因為生B問題發生爭執,不過隨着今次去溫泉度假,兩人的關係將變得更加密切。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner