【官員返港免檢疫】黎芷珊隔離期斷米路 2月全推司儀工作

更新時間 (HKT): 2020.03.05 00:31

張寶華原本在上海總會訂枱,打算同為鑽石公主號乘客的黎芷珊補祝生日,兩人足足隔離超過一個月,身體健康,但仍被上海總會退訂。

張寶華不滿做足措施,仍被人歧視,之不過同人唔同命,港府包機到湖北接載港人返港,但同行的官員及醫護人員無需隔離檢疫。問到兩人會否覺得危險?芷珊說:「其實視乎佢哋嘅安全措施、裝備做成點,因為佢哋負責去接。」張寶華坦言對香港醫護人員好有信心:「好似何栢良醫生都話林鄭唔使咁高興,覺得自己做得好好,其實你做得好慢,但香港市民好醒目,95%以上嘅人就自動戴上口罩,跟住有晒搓手液,又勤洗手。」

提到芷珊有眼鏡生意,有否受疫情影響生意?她坦言或多或少都有影響,但幸好現時很多人都會買平光眼鏡戴,加上又有網店,所以沒有實施無薪假。不過演藝事業則大受影響:「活動司儀工作冇晒,我未試過月曆上嘅2月係吉,當中有啲活動,我同對方講我嚟唔到,因為我要自我隔離。」

此外,通訊事務管理局今日公佈,撤銷向本地免費電視持牌機構發出須播放港台節目的指示,張寶華說:「無綫都申請咗好耐,佢目的都係要咁啫,香港人而家可以選擇網上睇,同埋年輕嗰代已經唔睇電視,所以我覺得唔喺TVB播係咪一個好大嘅損失。我覺得係一個喺政治上嘅象徵性嘅一樣事,但係咪會好影響到大家睇《頭條新聞》,或者其他港台節目,我又覺得唔會,因為其實有幾多人6點鐘返屋企睇,當然我覺得可惜,會睇新聞自由係咪進一步收窄,但實質影響就唔大,可以轉為網上睇。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner