【感到吃力】劉永因疫情有時間陪囝囝 日日陪上網溫習兼陪玩

更新時間 (HKT): 2020.03.07 09:46
(攝影:卓寶花)

70年代出道至今資深藝人劉永去年與年輕30載內地妻子黃麗燕爆出離婚,人生經歷3次婚姻失敗,他更將物業變賣套現一半給前妻,前妻繼續於內地居住,劉永現時身兼母職,親身照顧一對8歲和12歲的寶貝仔,共同在香港生活。

劉永昨晚到新城電台接受好友倪詩蓓節目訪問,倪詩蓓還送上掛頸空氣淨化器給劉永,又可以讓一對囝囝放心使用。劉永婚變後多在香港生活,但為兩餐會不時中港穿梭,近日因內地疫情嚴竣,他可以專心留港陪伴兒子,劉永說:「要工作就會返內地,請咗可以湊佢哋同陪佢哋讀書助手,而家唔使返學,我日日陪佢哋上網溫習。」劉永坦言要湊住一對兒子感到好吃力,但一對囝囝好肯學習。

疫情所致,劉永和一般家長一樣,減少和小朋友出街,他說:「我哋住村屋有個天台,小朋友可以走嚟走去,我會陪住佢哋玩,打波、打拳,限定佢哋玩幾耐就要溫習。」慶幸小朋友算生性乖巧,劉永希望小朋友多讀書有學問。一對兒子在香港就讀國際學校花費不菲,現時劉永手頭上的工作都暫停,只能做籌備及搞生意,他說:「好多等食飯就梗係辛苦,咁我有間公司仲ok,而且老闆係中鐵建唔會受呢啲影響,好感恩有自己嘅工作,趁疫情時候我有空閒抽時間去陪一對仔,陪住佢哋長大。」劉永手頭上有羅志祥和周杰倫演唱會項目,但相信要稍後才有消息。

娛聞樂陪你走遍全球追星,即Like「娛果」FB 專頁!
BannerBanner