【劇藏抗爭金句】90後導演羅嘉駿處女作連登爆紅 製作超支:人工接近零

更新時間 (HKT): 2020.03.09 00:31

ViuTV愛情穿越劇《二月廿九》備受網民熱捧,播出5集已經令「連登」爆Post,開足12個post討論,十分誇張。其實身兼監製、導演及演員的羅嘉駿(Steve)本身亦是一名「連登仔」,經常親自回覆網民,互動討論。

Steve是一位年輕的90後,今年只有29歲,在浸會的傳理系主修電影及電視,曾經監製過《瑪嘉烈與大衛:前度特別篇》、《比賽誌》和《夜曲13》,而《二月廿九》是他正式第一部製作的電視劇。羅嘉俊昨日接受《蘋果》電話訪問表示,難言當中興奮的心情,他說:「冇諗過第一套劇大家會咁鍾意,其實我依家係好擔心,仲有5集未播,之後大家發覺『有冇搞錯』,咁我就死嘞,搞到我瞓唔到覺。」

羅嘉駿透露今次是一部低成本製作,7位數製作費,卻要遠赴日本取景拍攝,由於成本不足,他與編審黃智揚也要客串扮道士。他說:「絕對係刀仔踞大樹,到依家都未計好條數,因為到現在都未剪好,好多人都好驚訝,雖然結局定咗,但仲討論緊點處理。我嘅人工基本上係接近零,一定少過一個場記!」他透露故事靈感來自一位2月29日出生的朋友,他說:「朋友覺得4年一遇先有一次生日,對佢嚟講都幾特別。但冇潤年時,其實2月29,係隱藏咗喺2月28日同3月1日,凌晨12點嘅1秒之間,佢有時覺好唔抵,人哋個個年年有得過生日,點解自己冇,寫Yeesa角色時,不如我送番24小時畀佢,每一年都畀佢穿越一次去到2月29,咁每年都有得過生日。」

劇中滲透不少「反修例運動」相關的抗爭金句,第3集「神聖幾何學會」的網上直播由一開始只得寥寥數十人睇,網民留言:「解散學會,刻不容緩」,到Yeesa現身學會做網上直播,講述自己的穿越經歷,「神預言」神隆與結衣結婚,令原本悶爆的直播點擊率突然爆升,觀看次數「318,217」,心水清的網民即重組數字「831,721」;而原本準備離開學會的耶穌(梁天尺飾)和Alien(鄭文熙飾)給會長訓斥一輪之後,終於回歸,在直播前,他們伸出手臂,展示會章,並高叫口號:「神聖幾何,缺一不可。」

羅嘉駿表示任何創作都希望反映現實,他說:「我唔會直線去抽擊任何嘢,我覺得任何藝術創作都係反映現實世界,唔係只虛構一個幻想嘅現實世界,當一個媒界畀我去做創作時,我咪講啲可能心目中想講嘅嘢囉。」

娛聞樂陪你走遍全球追星,即Like「娛果」FB 專頁!
BannerBanner