【又係7警】黃秋生嘆法治淪「作威作福」工具 杜汶澤︰人渣鄧炳強

更新時間 (HKT): 2020.03.10 11:41

前晚有市民在將軍澳尚德邨悼念去年11月墮樓死亡的22歲科大生周梓樂,大批警察在場戒備。雖然活動和平進行,但仍有數十名男女被警察帶走。聲稱會「尊重」市民悼念的警方,被網媒拍到有7名蒙面警察,對一位表明只是行過的市民,以帶有威脅性及粗言辱罵,又要求男子逐一向在場7警道歉,有帶頭的警員更理直氣壯話「破壞法治就係你呢班人呀」。短片在網上流傳,引來市民憤慨,黃秋生及杜汶澤昨晚先後在facebook聲討警方不當行為。

杜汶澤分別在個人及喱騷facebook分享同一條短片,阿澤留言「人渣鄧炳強(PK鄧)口中的假新聞......牛丸、魚蛋、魚片、貢丸、墨魚丸、魚皮餃、雲吞、水餃圍X人」。喱騷網頁有過千個回應,有網民從心理角度分析,認為克黑借機取暖,留言話「心理反射啫,得唔到香港人認同,所以咪迫手無寸鐵嘅人講一啲佢哋想聽嘅嘢囉」、「 黑警,冇文化,自卑,自尊心低,透過欺凌滿足自己弱小內心」,有人歸咎於班警察缺乏家庭教養「港警的家教很差,他們爸媽沒教好的錯」。

另外,黃秋生亦在差不多時間在facebook貼片,留言「唔知邊個硬冷膠呢?仲好意思講法治。法治比你班契弟作威作福嘅?」絕大部份留言都一面倒反克警,有留言「 完全諗唔到任何一個理由支持警察囉」、「淨係聽到狗吠,完全無point」、「無裝備唔人多佢地乜都唔係」。

娛聞樂陪你走遍全球追星,即Like「娛果」FB 專頁!
BannerBanner