【狗仔出更】楊愛瑾到家品店掃貨 有米老公拿膠櫃桶穿街過巷

更新時間 (HKT): 2020.03.11 06:00

武漢肺炎肆虐,人人減少出街避炎,留在屋企的時間多了,有人會花心思佈置家居,好似35歲人妻楊愛瑾(Miki),日前孖老公郭永淳現身銅鑼灣行家品店,身為「永安太子爺」的郭永淳,拿着膠櫃桶招搖過市,十分貼地。

當日下午約4時許,Miki和老公到某連鎖家品店買膠櫃桶,兩人對着手機研究一輪,似乎在挑選合適size,最後買了一組膠櫃桶,由Miki負責埋單結賬,因為櫃桶體積頗大,老公第一時間衝埋去幫手,一身西裝骨骨look的郭永淳,單手拿着膠櫃桶穿街過巷,之後兩人去了利園睇其他家品店,Miki逐樣研究睇得好開心,掃了一大袋戰利品離去。

Miki和老公結婚4年,依然恩愛如昔,睇得出郭永淳好錫老婆,每逢過馬路,都會輕扶着老婆的背,望清楚路面情況,事關兩人鍾意橫衝直撞,沒有依照交通燈過馬路。

採訪、攝影:梁繼光、羅德光

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner