【想搵番自己】31歲模媽余曉彤宣告離婚:曾為愛情犧牲好多

更新時間 (HKT): 2020.03.12 14:20

31歲模媽余曉彤(Hidy)和消防員老公劉健明結束5年婚姻,4歲女兒Willa由兩人共同撫養。Hidy於17歲與前夫相戀,兩人一起走過十多個年頭,可惜未能白頭到老。

Hidy接受《蘋果》訪問,她以短訊剖白面對婚姻失敗的心路歷程:「上年尾離婚,問題都醞釀咗好耐,大家好努力去解決,曾經見過婚姻輔導,真係無辦法先選擇呢一步,放過大家!」問到離婚原因,是否有第三者?Hidy卻沒正面回應:「自己細個田徑隊玩長跑,一路灌輸嘅都係唔好放棄,就會跑到終點,曾經套用到自己感情上。而家明白原來愛情長跑唔一樣,係要兩個人堅持向前,唔同步就會走遠,曾經大家都好好努力過。」

其間有否想過做儍事?她說:「自己曾經係一個為愛情犧牲好多嘅人,咁多年嚟大家咩事都經歷過,最難捱嘅時間都過咗啦,上年不斷走上山跑步,努力練跑,參加好多山賽,跑到攰就休息,又成日落水底執垃圾,清潔個海,唔畀自己諗,望住個山望住個海,世界好大,只係想好好搵番自己。」

有冇恨前夫?她說:「本質一樣,角色唔同。大家只係用唔同身份去相處,始終有個女。個女共同撫養,一齊畀最大嘅愛個女。」問到現在有否拍拖?她說:「唔諗拍拖住,簽咗新電影公司就係想重新出發,想好好發展自己事業,繼續拍戲,為自己拼搏。今年對我來說是充滿挑戰的一年,決定簽了新的經理人公司,感情上亦決定重新出發。離婚是雙方心痛的決定,希望今次交代了之後,可以專注事業,多謝關心。」

娛聞樂陪你走遍全球追星,即Like「娛果」FB 專頁!
BannerBanner