【又係迫降】楊潮凱演智障角色獲讚似玄彬 笑指改名叫「玄浩」

更新時間 (HKT): 2020.03.12 17:15

楊潮凱今日到商台宣傳正播映的大台劇集,他稱劇中的角色「智障浩仔」獲網友讚賞:「有朋友話我其實係做番自己,角色都有啲似我,例如天真啦,其實智障人士都有唔同演法,若有好劇本不介意再演,演員始終喜歡演病態角色,多啲發揮。」

有網民將他的角色與「阿旺」比較,楊潮凱說:「冇可能比較,郭晉安同鄭則士太經典,我排到第三都好光榮啦。」他又自爆朋友稱「浩仔」髮型似足《愛的迫降》的玄彬,他笑稱:「自己睇完相都覺得髮型有少少似,我不如改名叫『玄浩』。」因疫情影響下,楊潮凱坦言工作都有受影響,連帶早前執導的女同性戀電影亦會延期上映。

此外,歌手徐加晴今日亦到商台宣傳新歌《十四天》,她表示新歌靈感來自疫情下,香港人近日四出撲口罩的故事開始:「前排屋企唔夠口罩,爸爸話不如佢自己兩日用一個,然後再睇新聞見到位伯伯排隊買唔到口罩,然後喺度喊,令我感受好深。」當下令徐加晴決心創作一首歌紀錄這件事,她說:「由作曲、填詞到拍MV同剪接好,前後啱啱好14日完成,都真係幾特別。」談到現在家中的口罩存量?她稱幸身邊有很多好朋友,知道她處境後都熱心出手幫助。

娛聞樂陪你走遍全球追星,即Like「娛果」FB 專頁!
BannerBanner