【武漢肺炎】溫碧霞自認信命唔怕死 聞湯漢斯確診好Sad

更新時間 (HKT): 2020.03.12 17:02
(攝影:仇志德)

胡曦文和未婚夫羅御軒(Joseph)早前宣佈將婚期押後,未婚夫一直未曾公開露面,今日2人在疫情下同心舉辦慈善活動,Joseph首次陪伴胡曦文在西九藝術區公開現身,大晒恩愛。現場還有溫碧霞(Irene)、陳嘉容、谷祖琳、吳國敬、郭政鴻等人捧場。

一直希望做慈善的Irene,今次與好友胡曦文合作推出唇膏,她表示喜歡女性塗唇膏,既吸引又性感,家中有不少收藏。疫情下人人戴口罩,唇膏似乎用不着?Irene卻有另一見解:「唔需要成日戴,多人地方就會戴,相信疫情會好快穩定下來,大家可以過返正常生活。」她坦言疫情對自己不算太大影響:「我唔係好驚死,由細到大相信命運,世界上有好多唔同病毒,呢個係新品種要小心,希望快啲回暖就會好好多,例如沙士、禽流感呢種病毒都怕熱。」

對於荷李活影帝湯漢斯(Tom Hanks)和老婆麗達韋遜(Rita Wilson)確診武漢肺炎,據知他們是在澳洲拍戲時受感染,Irene說:「知道!聽到好sad,任何人有呢個病我都唔想,希望大家小心,健健康康。」問到拍戲時會否擔心?Irene再一次表示:「我好大膽,唔怕死嚟形容自己,不過意大利、日本、內地暫時都唔敢去住,等天氣好啲陽光出嚟疫情好啲先。」

溫碧霞老公何祖光家人在美國,美國都有疫情,Irene說:「佢哋開始擔心,未爆發時已經知道會傳染,世界咁大啲人又飛嚟飛去要小心啲,老公都擔心屋企人,本來我哋呢段時間返去探親,但屋企人都叫我哋唔好過去住,等天氣好啲先,我哋都有叮囑老人家少啲出街,要小心處理,佢哋有足夠物資。」

至於胡曦文今日身穿谷胸裝現身,在現場夫唱婦隨地招呼賓客,她指:「心情緊張,疫情令到社會好多唔方便,今日多謝大家支持。我哋成立咗慈善基金,今次慈善推出唇膏,幫助眼科機構做白內障手術,每賣一枝唇膏可以幫一個患者重見光明,希望幫到1,000人,雖然自己都要貼錢,但好有意義。」

Joseph見到胡曦文女強人一面,十分欣賞:「佢內裏好溫柔,你哋未必見到。」二人本來計劃今年結婚,卻因疫情影響延期,Joseph說:「等疫情過先,隨心所欲,佢考我耐性,佢好難追。」Joseph又笑笑口:「佢都令我大傷元氣,但OK,頂得住。」問到何謂傷元氣?Joseph說:「比較私人,佢係女神嚟,要有耐性,佢心地好、有抱負、有理想,值得嘅。」胡曦文聽到未婚夫甜言蜜語即冧讚對方:「佢都英俊、瀟灑、有智慧。」

娛聞樂陪你走遍全球追星,即Like「娛果」FB 專頁!
BannerBanner