【關楚耀KOL細妹】關美薇9月西班牙嫁金融才俊 擔心肺炎肆虐要改期

更新時間 (HKT): 2020.03.12 16:06
(受訪者提供圖片)

關楚耀妹妹關美薇(Nat)是一位英文老師,她近年兼做時尚KOL,故不時活躍品牌的活動。原來關家有喜事,Nat將於今年9月在西班牙結婚,下嫁拍拖6年、從事金融的男友袁煒熙(Chester),據知她的婚禮會有富二代好友嚴紀雯、楊海成千金楊嘉明、G.E.M.男友Mark的妹妹魏韵芝等人做姊妹團。

近日整個歐洲開始受到武漢肺炎傳播,當中意大利更是歐洲錄得最多確診個案的歐洲國家,而Nat將會舉行婚禮的國家西班牙,亦已錄得2,200多宗確診個案,已有55人死亡。《蘋果》今日就聯絡了當事人會否擔心婚禮受到影響,Nat表示婚禮會在9月中在西班牙小島馬略卡(Mallocra)舉行,她一直有同場地有關的公司聯絡最新情況:「都好擔心,歐洲人暫時都比較樂觀啲,如果到時疫情仍然未有減退,對方都話可以延期,自己當然擔心,不過呢刻都係要等到夏天先會決定到延唔延期,如果要延期,就會喺香港簽咗紙先,之後先再補辦番。」

Nat提到婚禮連同雙方家長,大概是個100人的婚禮,她表示:「我哋點解喺呢個地方搞,因為喜歡resort呢個主題,婚禮大概有100人到,唔算好大型,除咗家長,仲會邀請中學同學同加拿大嘅親戚,好多都係唔同國家飛去,所以當然會顧及來出席婚禮嘅人安全為大前題。」問到她有否留意香港有婚禮,所有賓客只來拿飲宴的外賣食品,她表示:「有睇到,好搞笑,不過如果真係冇辦法,我會選擇延期個婚禮。」

一對新人去年已開始籌備婚禮,去年9月已在法國影婚紗相,於巴黎及近郊的古堡Chateau de Villette取景,二人的婚照更找來當地著名女攝影師操刀,而Nat更一手籌備,先去上海找了近年人氣的婚紗設計師Nicole + Felicia空運到當地拍攝。問到有否拍攝的趣事?Nat表示因自己喜歡童話主題,所以找到一間法國城堡借出場地:「輯婚紗相都係自己上網聯絡心儀嘅場地同攝影師,我上網搵到呢位女攝影師,好鍾意佢嘅風格,就email畀佢請佢幫手,當日都影得好順利,女攝影師好易令一對新人投入氣氛擺甫士,尤其男仔會比較怕羞啲,我記得當日影嘅時候最難忘係要捱冷,當日影相氣溫得10度,我記得影完輯相就病了。」

娛聞樂陪你走遍全球追星,即Like「娛果」FB 專頁!
BannerBanner