【行程非疫區】許廷鏗為安全起見 外遊返港自我隔離

更新時間 (HKT): 2020.03.13 17:27
(攝影:陳慧安)

許廷鏗近兩星期在外遊中,今午返港的他身穿簡便服裝現身機場,推着一大箱行李步出,停步受訪時未肯透露去過的地方,只表示:「去咗幾個地方,但唔係嚴重疫區,遲啲先會網上公佈。」根據許廷鏗在IG上載相片中,有網民估計他早前曾到德國。

近日世界各地疫情嚴峻,許廷鏗稱抵港入境時都擔心:「入境時管制措施都做得好好,要填健康申報,疫情進展速度估計唔到,我出發時未咁嚴重,仍然外遊緊嘅人要小心啲,今次我行程一半工作一半旅遊。」許廷鏗再次強調所去地方非疫區,返港後為安全起見會自我隔離,他說:「自己身為醫務人員,會更加小心注意,返來後會減少出席公開活動,3月尾先再出嚟見大家。」他個人工作亦受影響,有份開設牙醫診所現時維持有限度服務。

在飛機途中,許廷鏗做足預防措施,好好處理口罩及特意穿上跣水衣服:「喺飛機上仲填咗首詞,因為我冇買wifi上網,對我嚟講係一個好好創作空間,希望4月有新歌面世,幫大家加油啦。」在這段期間會盡量做好防疫。

採訪:卓寶花、攝影:陳慧安

娛聞樂陪你走遍全球追星,即Like「娛果」FB 專頁!
BannerBanner